Irungo Udala. / Oihana Sanchez

Irungo Udalak, Udaltzaingoaren bidez, bide publikoa erabiltzea, okupatzea eta garbitzea arautzen duen gizalegezko jokabideari buruzko udal-ordenantza azpimarratzen ari da egun hauetan, gogoraraziz berariaz debekatzen dela petardoak, bengalak eta antzekoak erabiltzea kalean eta kalean zuzenean eragiteko moduan, berariazko baimenik ez bada. Are gehiago, arau-hauste horrek 750 eurorainoko isuna ere ekarri dezake.

Azken urteotan, ikusten ari da ardurarik gabe eta era arriskutsuan erabiltzen direla gai pirotekniko horiek urtezahar-gauean. Horregatik, Udaltzaingoak gogorarazi du debekatuta dagoela arriskua baitakar pertsonen eta ondasunen segurtasunerako.

12 urtetik gorakoek bakarrik erosi ahal ditzakete petardoak edo antzekoak, baina gai argitsuak bakarrik, bonbeta-motakoak, eta 16 urtetik gorakoek soilik arrisku txikiko eta zarata-maila txikiko petardoak. Gainerakoetarako, beharrezkoa da adin nagusikoa izatea eta berariazko baimena edukitzea erabiltzeko, lehen esan bezala.

Udaletik, egoera horretaz kontzientziatu nahi dira irundarrak, eta jakinarazten da, gainera, zelatatuko dela petardoak-eta botatzen dituzten kasuetarako. Gogorarazten da gai horiek eta bestelakoei buruzko abisuak jasotzeko telefonoak, herritarrei arreta ematekoak, 092 eta 112 direla.