Omar Igualek lortu du Erdi Aroko Azokako Argazki Lehiaketako argazki onenaren saria. Ekainean egindako azokan hark ondutako Preparado ante la amenaza argazkia da, hain zuzen, garailea. Bigarren, Javier Ortiz izan da Monje lanari esker, eta hirugarren, Manuel Barreiro, Manos de artista delakoaren egilea. 500, 400 eta 300 euro jaso dituzte, hurrenez hurren.
99 argazkik hartu dute parte, guztira, lehiaketan. Epaimahaia Estitxu Ortolaitz, Mikel Etxeberria, Floren Portu eta Julian Lazkanotegi argazkilariek osatu dute, eta Goio Uriarte Kultur teknikariak egin ditu idazkari lanak.
