Aurten, berriz ere, Txingudiko Zerbitzuakek Ficobako Eguberritako Haur Parkean parte hartuko du, joko parte- hartzaileen bitartez, birziklatzearen inguruan sentsibilizatzea helburu duen stand batekin.
Enpresa publikoak dagoeneko 10 urte baino gehiago darama Eguberritako Haur Parkean parte hartzen, parkera gerturatzen diren neska-mutilak hainbat gaien inguruan sentsibilizatzeko helburuarekin. Oraingoan, gai nagusia birziklapena izango da eta “Birziklapenaren txokoa” deituriko espazio batean adin guztietako haurrei zuzendutako jokoak bilduko ditu. Aurten, berritasun gisa, Expo-Retrete erakusketa jarriko da. Bertan, saneamendu-sarea eta komunean ditugun ohiturei buruz sentsibilizatzeko materiala bilduko da.
Guneak hiru pabiloi dauzka, eta horietan jarduera hezitzaileak, jolas kooperatiboak, tailerrak, teknologia berriak, eta erabateko dibertimendua ohizko atrakzioekin nahasten dira. “Birziklapenaren txokoa” bigarren pabilioian kokatuta egongo da. Eguberritako Haur Parkea abenduaren 26tik urtarrilaren 4ra bitartean irekita egongo da 15:00etatik 20:00etara, eta itxita egongo da abenduaren 31ean eta urtarrilaren 1ean. Aurten sarrera mugatuak egongo dira eta pin.ficoba.org webgunearen bitartez eskuratu ahal izango dira.
Abenduaren 30ean, goizez, parkea desgaitasunen bat duten haurrentzat irekiko da bereziki, haiek eta beren familiek Eguberritako Haur Parkea goza dezaten.
