Irungo Udala. / Martin Tellechea

Joan den urtean entitate laguntzaileek eskatuta gertatu zenez, hilaren 23an, hiriko kaleetan barrena ibiliko da Olentzero, txikien eskutitzak biltzen.

Betti Gotti Euskara Elkarteak, Bidasoako EKTk, Txorimaloak Soinu Taldeak, Auntxa Trikitixa Eskolak, Bidasoko Joaldunek eta Santiagoko Deabruek koordinatuko dute desfilea, Irungo Udaleko Kultura Arloaren laguntzaz. 17:00etan abiatuko da, Alberto Anguera plazatik, eta, Hondarribia kalean, Zubiaurre kalean, Geltokiko kalean eta Colon ibilbidean barrena, San Juan plazan amaituko da. 18:30etatik aurrera, berriz, plazan bertan egongo da Olentzero, haurren eskutitzen zain.