Bidasoa Irun (20+11) 31: Ledo (1), Cavero (6, 1 p.), Crowley (4), Racotea (2), Aginagalde (4), Salinas (7), Azkue (4, 1 p.); Sierra, Zabala, Serrano (1), De la Salud (1), Tesoriere, Da Silva (1), Nieto, Santano, Bonanno.
Ángel Ximénez Puente Genil (13+15) 28: De Hita, Alan da Silva, Cuenca (6), García (5), Tua, Mollino (4), Estepa (1); Ahmetasevic, Castro (5, 2 p.), Joao Da Silva (3), Melgar, Padilla, Mitic (4), Díaz, Poveda.
Partzialak: 5-1, 6-3, 9-7, 12-9, 16-11, 20-13; 21-14, 21-16, 24-18, 25-21, 27-24, 31-28.
Epaileak: Peñaranda Ortega eta Yagüe Moros. Etxekoen aldetik, Tesoriere (birritan), Da Silva, Racotea eta Cuétara entrenatzailea kanporatu dituzte bi minutuz; eta Marcio Da Silva (dos veces) eta Castro andaluziarrak.
Bestelakorik: Sacyr ASOBAL Ligako 32. jardunaldia Artalekun ateak itxita jokatua, Eusko Jaurlaritzaren LABIak hórrela erabakita.
Bidasoa Irunek urrezko garaipena lortu du Ángel Ximénez Puente Genil mendean hartu ostean, eta bi puntu hauekin, datorren urterako Europako txartela bermatu du (31-28). Oso indartsu hasi du talde bidasotarrak, eta atepean Xoán Ledo zuen defentsa sendo bati esker, 5-1 jarri da aurretik bosgarren minuturako iritsi orduko. Talde kordobarrak ez du etsi, eta hurrengo hamar minututan sartutako 3-6 partzialari esker, 8-7 hurbildu da, eta entrenatzaile bidasotarrak, Jacobo Cuétarak, hutsartea eskatu du (14. minutua). Jokora bueltan, azkar erantzun dute bidasotarrek, eta amaiera ederra eman diote lehen zatiari, 20-13 aldagelaratuz. Hogei gol horiek urte honetan lehen zatian lortutako gol markarik onena berdindu dute, Cangas do Morrazon erdietsitakoa.
Bigarren zatia hasi berritan, gola garestiago egon da bi ateetan, eta erritmoa mantsotu da. Errenta zuhurrak gorde ditu Bidasoa Irunek, baina minutuak aurrera joan ahala, Ángel Ximénez Puente Genil hurbildu da, 53. minutuko 26-23 markagailura arte. Hutsartea eskatuta, Bidasoa Irunek berriz bideratu du neurketa amaierako 31-28 historikoa lortu arte.
Bidasotarren hurrengo neurketa datorren larunbatean izango da, etxetik kanpo Incarlopsa Cuencaren aurka.
