Xabier Iridoy, EAJko bozeramailea. / Irungo EAJ

Irungo EAJk, laster, hiriko hainbat bidetan hobekuntzak egingo direla adierazi du. “Gure Auzo Planean jasotako hobekuntzak, 2018ko Kreditu Aldaketako Osoko Bilkuran gure taldeak proposatu eta bultzatu zituenak. Orduz gerotik, neurri horiek Udalbatzaren gehiengoarekin onartu zirenetik, 365 egun baino gehiago daramatzagu esperoan”, aipatu du Iridoyk. “Hala ere, pozten gara, azkenean, gobernu sozialistak gure proposamenen aurrean erreakzionatu izanagatik eta laster, obra hauek abiaraziko dituztela jakitera eman izanagatik. Esaterako; Pinarren, bertan dagoen haur parkeko jolastokia berrituko da. Behobian, Bidasoa ibaitik doan bidegorria, Zaisa atzeko aldetik doan zatia konponduko da. Bestalde, Santiagon, Tadeo Murgia kalean eta San Miguelen, Peio Bixente kalean, espaloien irisgarritasuna hobetuko da, baldosa ez labaingarri berriak jarriz. Ventas auzoan, berriz, pertsonen segurtasuna hobetuko da, Elizatxo etorbidetik Euskotreneko geralekuraino dagoen bidea egokituko da, seinaleztatutako eta argiztatutako espaloi berri batekin”.

Hala ere, Irungo EAJk salatu du, zati txiki bat laster aktibatuko bada ere, 2018ko kreditu aldaketa hartan onartutako jardueren eta konpromisoen zati handi bat oraindik egin gabe geratzen dela. “Zoritxarrez guztiak ez dira albiste onak, eta urtebete igarota, oraindik onartu ziren proiektu dezente ez dira egin. Egoera kezkagarria da, proiektu horiek 2019an hasiko ez balira, horientzat ezarritako aurrekontua galduko da. Irungo hiri eta gizarte kalitatea hobetuko duten proiektuak, esaterako; 50.000 euro Meaka bidean baranda babesle bat jartzeko eta bertako zubia hobetzeko, Ola sagardotegiaren parean. 10.000 euro, Berroako Lucas eraikinean gazteentzako 18 etxebizitza egokitzeko proiektu bat gauzatzeko, gaur egun erabiltzen ez diren etxebizitzak. 30.000 euro, Puianako bizilagunek eskatutako, Aristegui Enbaxadore Plazako argiztapena hobetzeko. 200.000 euro Hego Ingurabideko 2. fasearen proiektua idazteko, oraindik gainera kontratatu ez den proiektua. Gure hiriko bide-zirkulazioa hobetzeko ezinbesteko ekintza, eta badirudi egungo gobernu sozialistarentzat garrantzizkoa ez den arazoa” azpimarratu du. Era berean, ez da egin dezibelioetako neurgailuen erosketa, 30.000 euroko aurrekontua esleitu zitzaiona. Gure hirian dagoen kutsadura akustikoari buruzko neurri egokiak aztertu eta hartzea ahalbidetuko duten neurgailuak, eta halaber, zarata erregulatzeko ekintza egokituak eta pertsonalizatuak ezartzeko aukera emango lituzkeen neurria. “Gobernuaren ezgaitasuna agerian geratzen da horrelakoekin, eta guzti hau erabat onartezina iruditzen zaigun. Jarduera horiek beharrezkoak dira herritarrek ongizate hobea izan dezaten, hiriak hobera egin dezan eta etorkizunera begiratu dezan”.

Beraz, eta amaitzeko, Irungo EAJk, bere taldeak duen oposizio erantzukizuna azpimarratu nahi izan du, “gure taldeak beti gauzatuko du gainbegiratze- eta kontrol-erantzukizuna, Gobernu Sozialistaren kudeaketari dagokionez, une honetan ez baita batere eraginkorra. Horregatik, erantzukizunez erantzuteko eskatzen diogu, eta orain urte bete Udalbatzak onartutako neurri horiek behingoagatik martxan jartzea eskatzen diogu. Izan ere, proiektu horiek 2019. urtean garatzen ez badira, horientzat erabiliko den aurrekontua, koordinazio faltagatik eta kudeaketa eskasagatik galdu egingo dira”.