Atzo, igandea, goizeko bederatziak aldera, pertsona batek Ertzaintzara deitu zuen bere etxetik hurbil dagoen etxe baten barruan, Irungo Lapitze auzoan, pertsona batzuk ikusi zituela esanez. Berriemaileak esan zuen jabeak ezagutzen zituela eta etxe barruan zeudenak ez zirela jabeak.
Eraikinera hurbildu ziren patruilek hiru gizonezko aurkitu zituzten lehenengo solairuan lotan. Identifikatu ondoren, hirurak atxilotu zituzten etxe batean indarrez sartzea leporatuta.
Agenteek etxean egin zuten miaketan, leiho bat behartuta zegoela ikusi zuten, eta susmagarriak, dirudienez, bertatik sartu zirela etxera.
Atxilotuak 20, 24 eta 25 urteko hiru gizonezko dira, eta datozen egunotan agertu beharko dute epailearen aurrera.
