Irungo Udalak jakinarazi du Gizarte Ongizate eta Kultura eta Kirol arloek zuzendari berriak dituztela. Mila Holgado gizarte zerbitzuetako zuzendaritzan sartu da, eta Eunate Encinas, berriz, Kultura eta Kirol arloan. David Nuño da gaurtik aurrera Ongizate arloko ordezkaria.
Mila Holgado
Gizarte Lanean graduatua, 57 urte ditu Mila Holgadok eta ia 30 urte daramatza Irungo Udaleko gizarte zerbitzuetan lanean. Udaletxera iritsi baino lehen, bere lehen esperientzia profesionala Donostiako Gizarte Langintzako Unibertsitate Eskolan izan zen, non karrera ikasi zuen eta bere promozioko espediente akademikorik onena lortu zuen.
Zortzi urte geroago, Irungo Udalean hasi zuen bere ibilbidea, gizarte-langile gisa, indarkeria matxistaren biktimei arreta emateko zerbitzuan. Ondoren, babesik gabeko haurrentzako unitatera igaro zen, eta, orain arte izan duen azken erantzukizuna Gizarte Ongizateko Lehen Mailako Arreta zerbitzuko burua izan da. Azken 18 urteetan lan horretan aritu da.
Zerbitzu publikorako bokazio handia duela, Holgadok bere gain hartu ditu erantzukizun berriak, uste baitu gizarte-zerbitzuak pertsonen ongizatea bermatzeko oinarrizko zutabeetako bat direla.
Eunate Encinas
Duela 43 urte Hondarribian jaioa, musika-hezkuntzako irakasle eta soziologo ikasketak ditu. Azken 12 urteetan Irungo Udalean, GazteArtean, Gazteria Zerbitzuan aritu da. Proiektu horren bokazioa zerbitzu publikoa ematea da, egiteko moduei dagokienez eguneratuta dago, eta gazteen entzute aktiboa eta ekimena sustatzea dira ardatz nagusiak. Urte hauetan, partaidetzarekin, sormenarekin eta gizarte-berrikuntzarekin lotutako gaietan bere burua trebatzen jarraitu du Eunate Encinasek.
Kultura zuzendari berriaren hitzetan, “haur, nerabe eta gazteentzako zerbitzu eta programen diseinuan asko gozatu eta ikasi dut. Zehazki, gazte-herritarrekiko konexio-moduak eta etengabeko elkarrizketa bilatzeari dagokionez, haien beharren eta asmoen artean eta horiek gauzatzeko baliabideen eta aukeren artean zubiak eraikiz. Pertsonengan, entsegu-akats saiakeretan eta lankidetzan sinesten dut”.
