Udala hobekuntza lanak egiten ari da San Telmo Tiro Zelaiaren inguruetan. Obra bisita egin berri da ingurura, Kalixa Silanes Kirol eta Ingurumen Zinegotzia bertan izan delarik. Obraren helburua da Azeri Elkartearen Tiro Zelaian ingurumen eraginak murriztea. SASOI Eraikuntzak enpresa egiten ari da, Geyser HPC-ren obra zuzendaritzarekin, prozedura irekiaren berriz esleipendunak izan ondoren. Obrek bi hilabete iraungo dute eta aurrekontua 152.000 euro gehi BEZ da.
“Obrak egiten diren bitartean, arku tiro tiraketaren zelaiak ezin du bere ohiko jarduera egin. Azeri Elkarteari eskertu nahi diot prozesu osoa hasi zenetik eman duen laguntza. Hobekuntzak guztientzat dira, eta hasieratik onartu dute”, esan du Silanesek.
Hiri hondakin solidoak kentzea
Borja Carriazok, obra zuzendaritzaren arduradunak, esan du helburua dela “ekiditea arku tiro zelaiaren hegietan dauden hiri hondakinen eraginpean egotea zuzenean, bai ingurumenerako eta bai zelaiko erabiltzaileentzat. Ez dago osasunerako arriskurik, baina kendu egin behar dira aipatutako hondakin solidoak”.
“Obra hau da: eremurik zaborra kentzea, eremua berdintzea mailegatutako 50 zm-ko lur geruza garbia jartzeko, ondoren hidroereitea eta hegiaren goiko aldean berriz zuhaitzak landatzea”, erantsi du Carriazok.
Horrela, Udalak bete egiten du Eusko Jaurlaritzaren Ingurumen Administrazioaren Zuzendaritzak 2013ko irailaren 5ean egindako ebazpenean (lekuak zoruaren kalitate aitortza lortzeko baliagarria izan zen ebazpenean) errekeritutakoa.
