Egindako asfaltatze eta margotze lanen ondoren, Kai Berritik Higer itsasargira doan Pierre Lhande kalea asfaltatu eta ireki egin da. “Errepidea hobetzeko moduko egoeran zegoen”, dio Txisun Altuna Zerbitzuetako zinegotziak, “eta behin Higer itsasargira doan errepide nagusiko obrak amaituta, orain bigarren errepide honi ekin diogu eta hala, batez ere udan oso erabiliak diren bi guneak egoera oso egokian daudela esan behar da”.
Obraren aurrekontua 48.000 eurokoa da eta Excavaciones ORSA enpresak egin du.
