Udaleko Turismo eta Merkataritza Departamentuak laugarren aldiz Jai Nagusietako Erakusleiho Lehiaketa antolatu du, merkatal dendei begira. Izenemateko epea irekita dago eta astelehenean itxiko da udaleko BAZen.
“Merkataritza herriko biziaren partaide egin nahi da, eta ondoen apaindua den establezimenduari saria emango zaio”, dio Maria Serranok, Merkataritza eta Turismoko zinegotziak.
“Lehiaketa honen bidez herriko jaiak apaintzeko beste urrats bat eman nahi da. 2015ean jarri genuen abian eta eman zituen emaitzak ikusita, aurten errepikatzea erabaki dugu. Erakusleihoen apainketak abuztuaren 30etik irailak 11 arte egon behar du, eta parte hartu ahal izango dute kalera ematen duen erakusleihoa duten establezimendu guztiek, baldin eta martxan baldin badaude”.
Epaimahaiak diseinua, sormena, irudi komertziala eta produktuaren aurkezpena izango ditu kontuan. Erakusleiho onenentzat hiru sari izango dira, 450, 300 eta 200 eurokoak.
