Hondarribiko Udalak 2019ko Euskara arloko dirulaguntzen deialdia kaleratu du. Irailaren 15era arte egongo da zabalik eskatzeko epea, eta BAZen egin beharko da.
Euskararen erabilera sustatzen duten ekintzei laguntza ekonomikoa emateko laguntzak dira. Euskara Batzordeak izango du haiek aztertzeko ardura. Guztira 27.600 euro banatuko ditu Udalak.
Udako ikastaroak antolatzen dituzten ikastetxeek (9.800 euro), euskara sustatzeko ekintzak antolatu dituzten talde edo elkarteek (7.000 euro), euskarazko barnetegi edo ikastaroetara joandako herritarrek (7.000 euro), kanpoko errotulazioa euskaratutako establezimenduek (1.800 euro) eta webgunea euskaratutakoek (2.000 euro) eskatu ahal izango dituzte laguntzak. Udako ikastaroak antolatzen dituzten ikastetxeek hilabeteko epea dute hauek eskaera egiteko.
