“Ez dok hiru” ikuskizuna larunbatean

Hitzordua Urdanibia plazan izango da, 22:00etatik aurrera

0
337

Datorren larunbatean Tartean Teatro taldea egongo da Urdanibia plazan bere ikuskizun “Ez dok hiru” emateko. Antzezpena 22:00etan hasiko da.

“Ez dok Hiru”, Euskal Herriko kantutegian oinarritutako ikuskizun teatrala da. Gure modukoa, eroa, deskonzertantea, irrigarria azalez… Baina azal horren poro bakoitzari geure musikarekiko maitasuna dario.

Publiko helduari zuzendutako ikuskizuna da, umorezkoa eta euskaraz. Patxo Telleriak testuak sortzeko eta Mikel Martinezek, eta Telleriak berak, zuzenean antzezteko duten estilo paregabearekin eta Jokin Oregiren zuzendaritzapean.