Euskara Arloak jakinarazi duenez, dagoeneko Udalaren webgunean argitaratu ditu Solas Jolas programaren 2022ko edizioan parte hartzeko zozketarako izena eman duten eta onartuak izan diren hautagaien behin betiko zerrendak, baita zozketatik kanpo geratu direnena ere.
Zozketa apirilaren 12an izango da, 12:00etan, Irungo udaletxeko bilkura aretoan, eta emaitzak 15:00etatik aurrera kontsultatu ahalko dira Udalaren webgunean, www.irun.org helbidean. Gainera, 943505152 telefonoetara deituta eskuratu ahalko da informazioa.
Euskara Arloak, plaza bera zozketatu ordez, izena emateko hitzorduak zozketatzeko asmoa du. Beraz, aurrez izena epe barruan eman dutenen eta programan parte hartzeko baldintzak betetzen dituztenen artean plaza aukeratzeko hitzorduak zozketatuko dira.
Zozketa egin ondoren, Irungo Udalak zozketan egokitu zaion hitzordua bidaliko die aurreinskripzio guztien titularrei, baita behin betiko inskripzioa egiteko erabili beharko dituen sarrera-gakoak ere, baldin eta beste norbaitek egiten badu.
Inskripzioak Internet bidez egingo dira IRUN TXARTELA edo beste ziurtagiri elektroniko bat baliatuta, SAC24h zerbitzuaren bidez (www.irun.org/sac), apirilaren 19tik 28ra bitartean, jaiegunak barne, eta, jakina, hiriko autozerbitzuko terminaletan ere egin ahal izango dira (HAZ, Anaka eta Ventasko Kutxabank eta Palmera Montero espazioa Alhondiga Belaskoenea AAEE, San Migel Adinekoen Gizarte Gunea).
Zozketan esleitutako hitzorduen hurrenkeran egin ahalko dira inskripzioak; hau da, zozketa bidez esleitutako hitzorduaren unetik inskripzio-aldia amaitu arte (apirilaren 28a), aurre-inskripzioan sartutako haurrak une horretan libre dauden bi txandetako batean inskribatu ahal izango dira.
