Leire Zubitur, Jose Antonio Santano eta Txomin Sagarzazu. / Txingudiko Zerbitzuak

Jada eguberriak hemen dira eta horiekin batera bazkari, afari, ospakizun eta ohikoa baino handiagoa den kontsumoa. Txingudiko Zerbitzuakek festa zoriontsuak opa nahi dizkie herritarrei eta, aldi berean, gogorarazi zein garrantzisua den kontsumo arduratsua praktikan jartzea. Halaber, gabonetan zehar irlatxoen erabilera egokia egitea beharrezkoa dela azpimarratu nahi dute, edukiontzi taldekatuen puntua, hain zuzen ere. Zerbitzurik ez dagoen egunak kontutan izan behar dira ere, hondakinak edukiontzietan pilatzea sahiesteko. Leire Zubiturrek, entitate publikoaren gerenteak, adierazi du, «badakigu Eguberritan zaila dela kontsumoa ez igotzea, baina erosketak ez baditugu arrazionalizatzen, horien parte handia edukiontzietan bukatuko dute».

Horrela, Txingudiko Zerbitzuaketik nabarmendu dute erosketa masiboek zuzeneko inpaktua dutela ingurumenean. Jose Antonio Santanok, Txingudiko Zerbitzuakeko presidenteak, adierazi du, «gutariko bakoitza lagungarri izan daiteke kontsumo eta jarrera arduratsuarekin. Esaterako, erosketak tokiko dendetan egiten eta hondakinak edukiontzi egokira botatzen»:

Bestalde, Txomin Sagarzazuk, erakunde publikoko presidenteordeak, plastikozko poltsen erabileran jarri du indarra, «egun hauetan poltsa mordoa pilatzen da, eta horietako asko plastikozkoak. Poltsa bati uko egitea edo berrerabilgarria den bat etxetik eramatea bezalako keinu txikiek asko lagun dezakete egun hauetako hondakinen kudeaketan».

Leire Zubiturrek, azkenik, arren eskatu die herritarrei ohitura onak mantentze aldera, edukiontzien erabilera egokia egiteko eta hondakinen bereizketa zuzena egiten jarraitzeko festetan zehar, «gainera, gogorarazi nahi dugu festak amaitzerakoan, gabonetako zuhaitzak Garbigunera eraman behar direla».

Herritarrak gai horietan sentsibilizatzeko helburuarekin, urtarriletik aurrera hiru agente zibiko arituko dira tamaina handiko hondakinak garbigunetara eramateko beharraz informatzen eta bertara eraman ezin direnean, auzo bakoitzeko edukiontzietan adierazten diren egun eta orduetan eraman behar direla gogorarazten.

Azkenik, Txingudiko Zerbitzuakek gogorarazi nahi du abenduaren 24 eta 31aren gauetan ez dela zerbitzurik egongo, beraz, zakarra hurrengo egunaren 20.00etatik aurrera ateratzea gomendatzen dela.